اٹلی کورونا وائرس: ڈاکٹرز اور نرسوں کی کورونا سے ہلاکتوں کی حقیقت سامنے آگئی

عالمی وبا کورونا وائرس سے متعلق روزانہ ہی سوشل میڈیا پر جھوٹی اور غلط خبریں گردش کرنے کا سلسلہ اب تاحال ہے۔

کئی مرتبہ سوشل میڈیا صارفین کسی بھی خبر کی تصدیق کئے بغیر اسے انٹرنیٹ پر شئیر کر دیتے ہیں جس کے باعث لوگوں میں خوف و ہراس پھیل جاتا ہے۔

اس طرح سوشل میڈیا پر ایک تصویر منظرعام پر آئی اور متعدد بار شئیر بھی کی گئی جس میں یہ دکھایا گیا کہ اٹلی کے ایک اسپتال میں 200 سے زائد ڈاکٹرز اور نرسز علاج کے دوران کورونا وائرس کی وجہ سے ہلاک ہوگئے۔

در حقیققت یہ تصویر اٹلی کے اسپتال کی نہیں بلکہ

امریکی میڈیکل ٹی وی پروگرام سیریز گریز ایناٹومی کی ہے۔

یہ تصویر پہلی بار سوشل میڈیا پر 24 مارچ کو پوسٹ کی گئی تھی جس کے بعد یہ تصویر انٹرنیٹ پر وائرل ہوگئی۔

بعض سوشل میڈیا صارفین نے اس تصویر کی حقیقت کو تسلیم نہیں کیا تو کچھ صارفین اس تصویر کو دیکھ کر خوف میں بھی مبتلا ہوئے۔